呢件事應該係要琴日記低，不過實實在在太忙喇.....都係要呢Ｄ夜鬼時間先得閒寫下.....琴日凌晨睇完波，訓得兩粒鐘，晨咁早去到四季，將一條20分鐘長嘅flash video交到客手，即場demo一次，順利run到尾，無問題。呢個時候先真正鬆晒，因為呢份先真真正正算係HEARTWORKS全時間獨立運作後嘅第一單JOB！！當然當中有好多朋友幫手幫口啦，thankyou晒先。不過落手落腳做嘅都係自己攪掂，從報價開始來往巳經用左一個星期，confirm後到成品亦只有個幾星期做，要收齊料，book studio 錄 VO，mixing，editing，testing.....時間真係好tight。成份job只係通左一晚頂，好在無咩阻滯，又無咩鑊氣，thanks GOD!!! 交左貨到客手，總算放心晒。
吾同以前有正職時freelace咁，而家同時間顧幾份job，時間控制，安排真係要做得好好先得，因為由0-100都係得自己，design以外仲好多野要follow，吾係就會影響到其他job嘅進度。我其實最弱係呢樣野，不過比以前巳經好左ＤＤ架喇。希望越run越好啦。
第二至N份job現正同時進行中喇.....
標籤： 工作
努力以赴!!