彷彿身邊擁有一切看似與別人築起隔膜。
荒山野嶺．諗到就寫．話X之你．亂嗡廿四
ROCK SHOW唔係坐係度聽㗎！！
前晚去左聽 MOTO903 新樂潮拜音樂會，個半小時嘅音樂會由"秋紅"做support add，呢對band唱live都ok喎。其餘時間由三個單位瓜分，恭碩良、Soler及黃貫中。Jun 可能太耐無見觀眾，成日同大家打招呼。 Soler表演時Ｄ妹妹仔就係咁嗌。不過佢地唱嘅大多係英文歌，大定坐定定聽歌，全場氣紛唔係好HOT。
不過當阿Paul一出場，氣紛就唔晒。佢未開咪，七八成人巳經衝去台前，其餘人等都企晒起身聽，全場人血脈沸騰，情緒勁HIGH呀.....!!!!阿Paul唱左半粒鐘左右，「踩界」、「駛乜死」、「無得比」、「6000000」、「季節」、「逃」，中間仲有特別嘉賓何超儀！！Last...「人間蒸發」......爽呀！！
最後Soler再出場，同Paul，Jun（佢完左自己嗰part後再幫阿Paul打鼓）一齊jam左首英文歌就完場。雖然只係個半鐘show，但Rock Music真係好正，好耐都無咁HIGH過喇！！
-> http://www.310mb.com/erichan/MOTO903-PaulWong/
星期二, 六月 27, 2006
史上最無聊網站100選！！
月頭喺7仔買左呢本台灣出嘅雜誌 -「零至玖拾玖中文雜誌」試刊號#01，吸引我買嘅係因為個題目 "時間太多怎麼辦：史上最無聊網站100選"。雖然我唔時間太多，但係......就睇下你有幾無聊。
書內當然係介紹無聊網為主，另外仲有一D訪問，問下Ｄ台灣人呀，藝人呀，平時去咩網多。其實我都未睇晒本書，只係大約睇過，由於大部分網站真係無聊到爆，所以我都唔作介紹喇，如果你時間太多的話就自己買本無聊下啦。
噢，原來創刊號巳經出左喇！！
標籤： 讀物
星期二, 六月 20, 2006
Agent
認識，了解，蒙騙，傷害，出賣，憤怒，原諒，接納，假象，真相，復原。
誰也可以認識誰，誰也可以被認識。
誰也可以了解誰，誰也可以被了解。
誰也可以蒙騙誰，誰也可以被蒙騙。
誰也可以傷害誰，誰也可以被傷害。
誰也可以出賣誰，誰也可以被出賣。
誰也可以是憤怒，誰也可以感憤怒。
誰也可以原諒誰，誰也可以被原諒。
誰也可以接納誰，誰也可以被接納。
誰也可以做假象，誰真知道是真相。
誰也......噢......Alias......24......Without a Trace......我瘋了，一定是看得特務片太多了，可以復原嗎？？
星期六, 六月 17, 2006
留院
尋日打去維修問下部PB整成點......點知....頂！！！.....打左條line成日都係錄音留言，完全係真人接聽，咁都算啦。到佢覆我電，我問部PB整好未，都兩個星期啦，阿小姐左查右查，我等等等.....最後居然覆我話部機未整過喎！！！原因係Apple方面check吾到我份apple care記錄，所以佢地訂吾到零件整。真係火起！！有無攪錯呀，成兩個星期啦，而家先話我知無我記錄！！？？係都第二三日就應該通知我啦，仲要我打嚟問先至知，咁我吾問咪吾使整！！阿小姐係咁say sorry，叫我fax番買機&買apple care張單比佢地對下喎。小姐呀，我有張apple care card，s/n no.又對過啱，咁都仲要單？？吾通我張card係偽做咩？？
最後我都fax番晒Ｄ單比佢，阿小姐話巳經通知晒佢公司所有同事我嘅case，承諾有咩消息一定會第一時間通知我......咁無計啦，我唯有等佢電話啦。希望佢地會認真Ｄ做野，PB快Ｄ返嚟啦。
標籤： 蘋果
星期四, 六月 15, 2006
計算
我想講嘅並吾係"金枝欲孽"或"火舞黃沙"𠴱種嘅攻心計，而係為左搵吃，左度右度𠴱種。尤其喺香港，就算只係普普通通，吃Ｄ基本生活，對好多人嚟講都吾係易事。眼見有Ｄ朋友為左搵吃放棄理想，甚至吾去想乜係理想，唉.......我好感恩，天父比我可以用嘅理想搵到吃，加上又有一眾同道中支持，到家下都未餓瓜。
有時無論你點左計右計，結果都可能會係計算之外。吾去計，結果同樣係未知數，但過程一定會好有趣好多，剩係享受過程都有賺啦。人有時做左Ｄ事會好後悔，但有Ｄ事想做而無去做就會更加後悔！！！
朋友，吾好諗咁多喇，去馬啦！！！支持你，有前無後，打死罷就！！
星期三, 六月 14, 2006
用心做，聽得出
唔係寫碟評㗎，前兩買左K SUE2，雖然只得5首歌，但作嘅嘔心瀝血，唱嘅清悅耳，首首都係上乘之作。"我愛茶餐廳"聽到都流口水，聽完會好肚餓。"亡命之途"，最有feel，直頭係感同身受，因為我晚晚都會搭亡命小巴返家，比十幾蚊就有過山車玩，過癮！！
不過隻VCD就真係差左D，係電視睇都起晒格仔，仲以為自己睇緊四仔，D Lighting，又爆晒光，連Kay個樣都睇吾清楚，嘥料！！
p.s. 呢篇文係聽住隻碟寫嘅.....feel good..!!
標籤： 音像
用心做，睇得到
好耐都無幫襯過本地漫畫，偶然從友人的辨公室睇到呢本地薑嘅dummy，未睇內容，單睇畫功，巳屬用心之作，睇得出係用誠意，心血＋長時間先畫得出嘅，再講原來呢本漫畫係主編自資出版，咁就更加值得支持啦！！前兩日終於睇到制成品，睇埋故事，再細閱畫功，不得不佩服主編及協力們心內嗰團火！！
想知有幾正？？自己比＄買啦，絕對值得買㗎！！
標籤： 讀物
星期日, 六月 11, 2006
入廠
先謝謝各人的關心，因為好多朋友見到我MSN寫住”入廠”都紛紛問候我，但又奇怪點解我入左廠都仲上網，難度醫院有wireless???其實”入廠”o既吾係我......而係我部Powerbook...
話說上星期用用下突然出現Paul Smith畫面，出現次數越用越密。好在有買applecare，於是拎左去CWB整，應該要多個星期先出廠......好在多得友人借出佢部Powerbook比我頂住先！